PREMIOS ATRÉVETE-2018-2019

Trasladámonos a recoller os premios o luns 17/06/2019, 16 alumnos/as de sexto de Primaria do noso colexio, acompañados polo orientador do centro, que tamén é o coordinador do programa ATRÉVETE no mesmo. O acto de entrega tivo lugar no Museo da Cidade da Cultura do Gaiás en Santiago de Compostela de 11:00 h. a 12:30 h.

No programa ATRÉVETE deste curso 2018/2019, foron premiados os proxectos de emprendemento de dúas das nosas alumnas:

- MARIÁN ORDÓÑEZ LOSADA de 6º de Primaria "A"

- IRIA NÚÑEZ COSTA de 6º de Primaria "B"

Parabéns para as premiadas e noraboa aos 18 alumnos/as do noso colexio que participaron neste concurso autonómico que promove o coñecemento da FP e do texido empresarial das nosas comarcas. Aquí en Vilagarcía de Arousa colaboramos o IES Fermín Bouza Brey, o CEIP O Piñeiriño e a Federación de Empresarios de Arousa (FECA).

Agardamos manter esta liña de colaboración para o próximo curso e seguir participando nunha nova edición deste concurso.

ÚLTIMA ESCOLA DE NAIS E PAIS DESTE CURSO

DEPARTAMENTO DE ORIENTACIÓN

ESCOLA DE PAIS E NAIS

TRANSICIÓN DE PRIMARIA Á SECUNDARIA

O IES F. BOUZA BREY

Laura Rodríguez Díaz

ORIENTADORA

SALA DE USOS MÚLTIPLES

DO CEIP O PIÑEIRIÑO

Martes, 18 de xuño de 2019; 17:30 h.

ESCOLA DE PAIS E NAIS PARA AS FAMILIAS DE 6º DE PRIMARIA

VISITA AO IES FERMÍN BOUZA BREY

O noso alumnado de 6º de Educación Primaria visitará o IES Fermín Bouza Brey mañán martes, 10/05/2016, ás 12:00 h. Moitos dos alumnos e alumnas estarán nese instituto para o vindeiro curso escolar 2016/2017. Trátase dunha toma de contacto e para recibir información sobre os estudos da ESO e sobre o funcionamento do propio instituto.

Nunha data, que xa se concretará, do mes de xuño teremos unha Escola de Pais e Nais coa orientadora de dito instituto de carácter formativo e informativo.

Páxina web do IES Fermín Bouza Brey:

http://www.edu.xunta.es/centros/iesbouzabrey/

Tlfno. IES Fermín Bouza Brey:

886 151 956

ESCOLA DE NAIS E PAIS: O IES F. BOUZA BREY - A ESO

O MARTES 17 DE XUÑO DE 2014, ÁS 18:30 H. E NO SALÓN DE ACTOS DO NOSO COLEXIO, CELEBRAREMOS UNHA ESCOLA DE PAIS E NAIS:

O director e a orientadora do IES "Fermín Bouza Brey", coordinarán esta Escola, dirixida especialmente ás familias do alumnado que este curso remata 6º de Educación Primaria, co seguinte tema:

TRANSICIÓN DA PRIMARIA Á ESO - O IES "FERMÍN BOUZA BREY".

Coidamos que se trata dun tema do máximo interese
para as familias dos alumnos e alumnas que rematan os seus estudos de Primaria e en setembro principiarán os estudos correspondentes á ESO.

Este ano ademais hai algunhas novedades co motivo de entrar en vigor a nova lei de educación, a LOMCE (2013).

Agardamos a presencia dos pais e nais do alumnado de 6º de Primaria.   

VISITA AO IES FERMÍN BOUZA BREY

HOXE, DE 12:00 H. A 14:00 H. O ALUMNADO DE 6º DE EDUCACIÓN PRIMARIA, ACOMPAÑADOS DOS SEUS MESTRES TITORES E DO ORIENTADOR DO CENTRO FIXERON UNHA VISITA FORMATIVA E INFORMATIVA AO NOSO INSTITUTO. ALÍ FOMOS RECIBIDOS POLO DIRECTOR, A VICEDIRECTORA E A ORIENTADORA, QUE MOI AMABLEMENTE NOS ILUSTRARON E OFRECERON INFORMACIÓN VALIOSA PARA O NOSO ALUMNADO, QUE NO VINDEIRO SETEMBRO, UNHA GRAN PARTE PASARÁ A SER O NOVO ALUMNADO DO INSTITUTO.
GRACIAS POLA AMABILIDADE E O TRATO RECIBIDO. O PRÓXIMO XUÑO, A ORIENTADORA E O DIRECTOR VISITARÁN O NOSO COLEXIO PARA TER UN ENCONTRO COS PAIS DO NOSO ALUMNADO E SEGUIR OFRECENDO INFORMACIÓN SOBRE O IES "FERMÍN BOUZA BREY".

ESCOLA DE PAIS E NAIS

DEPARTAMENTO DE ORIENTACIÓN

CONVOCATORIA DE ESCOLA DE PAIS E NAIS

MARTES, 11 DE XUÑO DE 2013, ÁS 17:30 H. NO SALÓN DE ACTOS

O PASO DA EDUCACIÓN PRIMARIA Á EDUCACIÓN SECUNDARIA.

O IES “FERMÍN BOUZA BREY”.

Dita escola estará coordinada por Dna. Laura Rodríguez Díaz, orientadora do Instituto.