PARABÉNS A LEIRE COSTAS GARCÍA

Pois recibiu un premio no concurso ATRÉVETE A TER UNHA IDEA.

O noso colexio participa no programa ATRÉVETE desde os seus inicios, colaborando co IES Fermín Bouza Brey e coa Federación de Empresarios de Arousa (FECA). O noso alumnado de 5º e 6º de Educación Primaria está implicado nas actividades dese programa da Consellería de Educación, Universidade e FP e xa outras alumnas/os teñen recibido un premio na curta historia, por agora, dese programa para o coñecemento da Formación Profesional.

Noraboa a Leire polo seu traballo premiado: AUTOMÓBIL ACCIONADO ENERXÍA EÓLICA.

Tamén nosos parabéns a todo o alumnado de 6º de Educación Primaria que participou no dito concurso.

Agardamos seguir colaborando neste programa.

MOI BOAS VACACIÓNS!!! 

RECUPERACIÓN PROCESO DE MATRICULACIÓN

OLA, QUERIDAS FAMILIAS!!! AGARDO QUE O LEVEDES O MELLOR POSIBLE. ÁNIMOS PARA TODOS, XUNTOS PODEMOS!!!

- Tende optimismo

- Xogade e desfrutade coas vosas crianzas

- Facede exercicio físico, bailade e cantade

- Lograremos saír desta, venceremos nós!!!

A partires deste luns 11 e ata o luns 18 ábrese de novo o proceso de matrícula. O colexio permanecerá aberto para estos asuntos de 9:30 a 14:30 h. Haberá un directivo para atenderos.

Tomade medidas de autoprotección e de protección a saúde de todos importa, sede responsables.

Para o alumnado de 6º de Primaria que se dispón ao tránsito á secundaria, sería importante que conectárades coa web do Instituto Fermín Bouza Brey, noso instituto de referencia ao que estamos adscritos:

https://www.edu.xunta.gal/centros/iesbouzabrey/ 

E tamén é moi necesario que a cotío naveguedes pola web do noso colexio, na que atoparedes información de interese:

https://www.edu.xunta.gal/centros/ceippineirino/ 

 

COMO APROVEITAR E SUPERAR ESTA SITUACIÓN COMPLICADA

A única maneira de rexenerar o mundo é que cada un cumpla co deber que lle corresponda. (Charles Kingsley).

1. Seguir disciplinadamente as orientacións, indicacións e normativas das autoridades sanitarias e competentes.
2. Ter a confianza e a esperanza que entre todos superaremos estes difíciles momentos.
3. Ser responsables.
4. Lavar a cotío as mans con auga e xabón e extremar as medidas hixiénicas.
5. Axudar aos nosos nenos e as nosas nenas, que non se poñan tristes. Imprimir optimismo, os problemas hai que aprender a xestionalos, tomando as medidas oportunas.
6. Propiciar a convivencia e o diálogo familiar.
7. Estar entretidos e ocupados.
8. Xogar con todo tipo de xogos sociais e interactivos: cartas, parchís, oca, monopoly, xadrez, damas,...
9. Ler e escribir.
10. Debuxar e pintar.
11. Tocar algún instrumento musical (practicar coa frauta).
12. Cantar.
13. Conversar.
14. Contar contos, fábulas, adiviñas, refráns, historias,...
15. Xogar con bonecos, monicreques, xogos de construción, todo tipo de xoguetes,...
16. Escoitar música, escoitar a radio.
17. Ver películas de cine, series, ver a TV.
18. Con moderación e coa debida regulación parental manexar o ordenador, para traballar, facer tarefas do cole, navegar pola web do cole e outras, consultar este blog.
19. Ler cómics e idear e facer cómics, crear historias.
20. Recortar, manipular recortables.
21. Facer exercicio físico.
22. Chamar por teléfono a familiares e amigos.
23. Chatear, mandar mensaxes.
24. Escribir correos electrónicos a familiares e amigos.
25. Poñer a creatividade e a imaxinación en acción.

ENTRE TODOS SAIREMOS DESTA, SEGURO!

ESCOLA DE NAIS E PAIS CON FINA CASALDERREY

CEIP O PIÑEIRIÑO

DEPARTAMENTO DE ORIENTACIÓN

 ESCOLA DE PAIS E NAIS

AUTOBIOGRAFÍA DAS EMOCIÓNS: Estratexias de sedución lectora.

FINA CASALDERREY

(Mestra e escritora)

http://fina.casalderrey.com 

SALA DE USOS MÚLTIPLES

DO CEIP O PIÑEIRIÑO

Martes, 19 de novembro de 2019; 17:30 h